طريقة دخول الشات الصوتي عن طريق ويندوز 7 و ويندوز فيستا إثبات بالصور:)

هذا اول موضوع لي بهالمنتدى كله , وامس تمشيت بهالقسم شوي لقيت ناس تطلب طريقه لدخول الشات الصوتي عن طريق الفيستا ، هالطريقه اعرفها من زمان قلت ابنزلها لكم . اليوم طبقتها وضبطت معاي ، والاثبات بالصور ..
بالاول ، تحتاج تحمل ثلاث برامج للدخول للشات الصوتي..
البرنامج الاول :جافا صن آخر اصدار المتوافق مع نسخة الفيستا و ويندوز سبعه.
البرنامج الثاني : نظام الصوتي لبرنامج السكايبي .
البرنامج الثالث: نظام الصوتي لشات الياهو .

اول شيء حمل الجافا وثبته. ..للتحميل أضغط هنا
طبعا مايحتاج شرح Install ثم يحمل شوي بعدها close وخلاص

حمل البرنامج الثاني + ثبته. للتحميل إضغط هنا
تثبيت مثل اي برنامج اول ماتفتحه بيطلع لك هالصوره واختار NEXT


وواصل للاخير الين Exit .. بعدها بيجيك هالصوره

اختر موافق ثم موافق ثم موافق ثم موافق ثم موافق وبس . خلصنا البرنامج الثاني .

حمل البرنامج الثالث + ثبته . للتحميل إضغط هنا
موافق ثم start ثم Cancel ، وبكذا خلصنا تثبيت الثلاث البرامج
بعدها لازم تسوي خطوه مهمه وهي تعطيل نظام الصوت . الطريقه : من عند السماعات بجانب الساعه كليك يمين بيطلع لك مثل هالصوره اختر الاصوات .

فوق من تشغيل بيطلع لك السماعات المثبته بجهازك كلها كليك يمين وسوِي لها تعطيل



بعدها من تسجيل وسوي تعطيل لكل الي يطلع لك من مايكرفون او اي تثبيت موجود عندك مثل هالصوره



طبعا فيه ناس اذا سوى هالطريقه مابيختفي من عنده الاجهزه المثبته وفيه ناس بتختفي من عندهم [مثلي ] ويقدر بسهوله يردها كليك يمين بالمكان الفاضي ويختار إظهار الاجهزه المعطله مثل هالصوره


بكذا خلصنا تعطيل نظام الصوت ولو تناظر بالسماعات بجانب الساعه بتلقى عليها اكس بالاحمر وهذا معناها انه تم تعطيلها وهذا الي نبيه
اوكي.. الحين بتروح تدخل على اي شات تبيه .. وانا دخلت على شات صوتي بيجيك عده تثبيتات مهمه . كلها سوي لها تثبيت انا طلع لي هالتثبيتات


بهالصوره اخترت اوكي مرتين .

وهذي صوره دخولي للشات طبعا اول ماتدخل وعلشان تسمع الصوت ؟ ارجع مره ثانيه سوي تمكين للنظام الصوتي . اشلون ؟ من عند السماعات كليك يمين ثم سوي تمكين لكل الي سويت له تعطيل بالمره الاولى ,
ومثل مو شايفين الصوره دخولي للشات + الصوت واضح ع اليسار



ملاحظات مهمه :
1- هالطريقه للفيستا و لوندوز 7 ولكن انا جربتها على فيستا فقط ..
2- بالنسبه للبرنامج الثالث النظام الصوتي للياهو الموقع الي اخذت منه الشرح، ذاكر انه لازم تفك الضغط عن البرنامج وتفتحه عن طريق تشغيل كمسؤول [ يعني كليك يمين ثم تشغيل كمسؤول] ولكن انا ماسويت طريقته ثبته على طول بفتح وكملت عادي .. الي يحب يسوي طريقتي وضبطت معه كويس واللي ماضبطت يسوي الطريقه الثانيه تشغيل كمسؤول ..
3- انا جربت دخول الشات الصوتي عن طريق الفاير فوكس مارضي وياي . مافتح الا بالاكسبلور
4- انا مااضفت الصور كلها بالشرح لانه التثبيت سهل وماابي الموضوع كله دش صور × صور ولكن اضفت الصور بالتفصيل ومرقمه مع كل برنامج ..
بالاخير ... ماابي منكم غير الدعاء والتقييم ان كنت استاهل ..

شرح جميل ورائع ومنسق جزاكي الله خير أنا اعاني من المشكلة بس عندي استفسار

أدخل الشات عادي بس الصوت ميطلع حاولت أكثر من مره مضبط معي أبجرب شرحك وأي مشكلة أرجعلك

ثانكس عنادية تم التقييم

ما شاء الله ابدااع×ابدااع

موضوع في غاية الاهمية

لاهنتِ

الله الله عناديه وش هالابداع

اخيراُ لقينا الحل

تستآهلين الـ++

تحياتي

الله .؟ 106 اشخاص يمرون من ع الموضوع و3 ردود بس !!
صدق ماتحمسون الواحد ينزل مواضيع

سلمت أناااااامك أختي عناااااديه

كفيتي ووفيتي

واصلي أبداعك


دمتي بود