الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

تم تحميل الصفحة في 1,6821577 ثانية
الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]
إنضم
24 أكتوبر 2009
المشاركات
1,351
الإعجابات
112
النقاط
0
قبل وفاه اخونا صلاح الغامدي الله يرحمه


انتقل الى رحمة الله العضو

في شبكة الزعيم نـكـد

وفي روم الزعيم nkd 753

مع القصه كاتبها هـو بـ نفسه .. !


"بـسم الله الرحمن الرحيم..

أسعد الله أوقآتكم بكل خير ..

قبل فتره مو بالبعيده .. وهنآ في الفورم سبرينق .. شفت شخص كتب موضوع بمآ معنآه .. إن الأيآم هذي مآ ينفع لآ صديق و لآرفيق ولأآحد .. ومآبينفعك إلآ قربك من ربك وكذآ..
صرآحه أول مآشفته قلت كلآم غلط في غلط يعني مستحيل أحد مآبينفعه صديقه .. او أحد مآعنده خوي وخصوصآ إذآ كآن يمر بظروف صعبه..
بس قصتي أتوقع إن ربي خلآهآ عبره لي و درس تعلمت منه صحة المقوله اللي كتبهآ الشخص
((مو نآفعك احد غير قربك من الله ))
وبقربه يقرب كل بعيد .. ويهون كل صعب .. ويزول كل هم .. ويجتمع حولك كل شخص يحبك وتحتآجه..
من أسبوعين تقريبآ .. مريت في أيآم وليآلي كآنت من أصعب أيآم حيآتي .. لدرجه .. كل مآ أتذكرهآ مآ أتصور كيف عدت على خير..
وخصوصآ يوم السبت المآضي.. مريت في حآله .. ومحتآر بين أمرين.. وربي بغيت أسويهآ
إمآ أنتحر .. وهذآ أسهل حل .. أو أطيح في المخدرآت ع الأقل تهدي نفسي وتريحهآ وتخليني أنآم..
تذكرت وآحد من اخويآي يقول أدبر لك حبوب مهدئه ومنومه وأي علآج بدون وصفه.. وقلت أبد الحل موجود..
خلاص مآعآد صرت أقدر افكر في أي شي..
العقل تقفل أحآول أفكر مو قآدر.. الهم لعب فيني والتفكير..
أيآم بليآليهآ تمر ..لآ أكل .. لآ شرب .. لآ نوم .. لآ رآحه .. والهم يلعب بي على كيفه..
صرت مثل السفينه والهم أموآج.. مره تحذفني يمين ويسآر مرآت ..
..بعدي عن الله .. وهجري للقرآن .. علآقتي السيئه من سنيييين مع أهلي .. تغير شخص عزيز وغآلي علي وإنقلآب حآله علي وكأني مسوي له شي أو أكن له شر !!.. خروج نآدي المفضل وأهم شي بحيآتي من الأسيويه بعد كل التعب اللي وآجهته والجهد اللي بذلته والسفر ووو وفي الأخير خروج بلآ مبرر ....
دوآمي والضغوط اللي فيه..
ولد عمي وظروفه الصعبه اللي يمر بهآ..
خويي والظروف اللي صآرت لعيآل خآلته ..
وأشيآء كثييييييييييييييير كثير لاتعد ولاتحصى كلهآ إجتمعت في فتره وحده ..
-----------
علآقتي مع ربي كآنت سيئه وفيهآ من التقصييييييير الشي الكثير .. و كنت مهمل ومقصر في حقه وكأني بآعيش مليون سنه .. بعدين أتوب وخلآص!!
لآ صلاه في وقتهآ .. طبعآ هذآ إذآ صليت .. صلاه بدون وضوء أو وضوء من الصبآح ..
وووووالكثيييييير
وفي الأخير أنآم بكل رآحه وطمأنينه وكأني قآيم بوآجبي تجآه ربي!!
هجري للقرآن .. تصدقون .. إني هآجر القرآن ولافتحته من خمس أو ست سنين!!
لآ قرآة قرآن ..ولآ شي
أحس فيه شي يمنعني عنه . يبعدني عنه .. يقول لي بعدين مو الحين .. بعدين..
الى متى يعني وانآ على هالحآله خمس سنين يآ إبليس!!
سمآع القرآن .. مآ أحب أسمع أحد يقرأ قرآن قدآمي..
أكره أسمع الأذآن والدعآء.. أكره موية زمزم اللي كل مآشربتهآ أحس بدوخه مدري ليش ..وووو الكثيييير
وفي الأخير أروح أنآم وكأني طول اليوم أقرآ قرآن .. وطول اليوم أشرب زمزم..وطول اليوم أصلي..!!!
علآقتي مع أهلي سيئه بسببي .. يحآولون يتقربون مني بس أنآ أبعد .. يضحكون لي وآنآ أصد .. يسولفون لي اهجرهم .. يبون يقدمون لي أي شي أرفض ومآ أبغى أي شي بنفس شينه ؟!!!
أمي تسألني وش فيك أرد بنفس خآيسه مآفيني شي ..
تقول وش تبي أسوي لك من أكل أرفض وأقول مآبي شي بنفس شينه
وربي كل مآ أتذكر نفسي أحقد على نفسي
وودي أقتل نفسي
أمي تبي تطلب شي والله تستحي أو تطلب برسآله جوآل
أنآ أنغبن وأنقهر .. ودي أرجع مثل وأول وأعآملهم أحلى معآمله .. بس مو قآدر..
أحس فيه شي مآسكني .. شي يمنعني من هالشي..
وكل هذآ من خمس سنوآت .. نفس هجري للقرآن وتقصيري مع ربي وبدآية تغيير حيآتي بشكل غريب ومختلف مليون درجه عن حيآتي السآبقه
\.
وآحد من أخويآي يمر بظروف الله العآلم بهآ .. وحآلته مآتسر لآعدو ولا صديق.. حآولت أسآعده مآقدرت .. مدري وش فيه أصلا..
هو من النوع اللي يكتم همه وغمه في نفسه ومآدرى إنه كتم نفسي معآه
كرهت نفسي يوم شفتني مقيد مآبيدي شي أسآعده فيه لآنه هو مآتكلم
وهذآ أسوأ شي عندي .. إني أشوف أخويآي او نآس حولي فيهم ضيقه ومهمومين ومآقدرت أسآعدهم
يآخي أرم همك علي وأنسآه ..
عطني همك وإرتآح..
مستعد أشيل هموم العآلم .. بس أشوفهم مرتآحين..
مآهمتني نفسي كثر مآيهموني أخويآي

..طبعآ كل شي تغير في حيآتي

طبعآ كلكم بتستغربون من اللي كآتبه.. مو مصدقين إن أنآ نفس الشخص اللي تعرفونه .. دآيم يضحك ودآيم يستهبل .. بس هذآ الشي الوحيد اللي مآتغير في حيآتي..
علآقتي مع أخويآي والعزيزين علي..
وهذآ الشي تفسره الصوره اللي أنآ حآطهآ

ضآقت علي الوسيعه بمآ رحبت..حتى فكرت في أشيآء .. الله يفكنآ ويبعدنآ عنهآ
-------------------

..
من أسبوعين بس .. بديت أفكر .. إلى متى وأنآ على هالحآل؟؟
إلى متى وأنآ مقصر مع ربي؟؟
إلى متى وأنآ هآجر القرآن؟؟
إلى متى علآقتي مع أهلي كذآ؟؟
إلى متى؟؟
كيف أوقف مع أخويآي وأسآعدهم حتى لو هم بعيدين او مآيتكلمون
قلت مآفيه الا حل وآحد .. بس إني بعيد عنه..
مقصر بحقه..
ومآفكرت فيه الا وقت الحآجه
اللي هو ربي ..
بس إني بعيد عنه..
وش أسوي؟؟!!

فضفضت للغآلي علي
شخص عرفته عن طريق النت
إرتحت له من أول جلسه معآه
شخص حبني وحبيته
عزني وعزيته
قلت مآفيه الا هو
وربي مآقصر
وأنآ أتكلم طلعت كل اللي في خآطري
مآصدق بحآلتي
واللي أمر فيه
ومآصدق كل هالهم فيني
ووقف بجنبي ومآزآل وآقف

بديت أغير من وضعي .. بديت أعدل علآقتي مع ربي اول شي..
بديت أصلي
بديت أدعي
بديت أقرأ القرآن
تحسنت حآلتي .. وضبطت أوضآعي من بعد مآقربت من ربي..
صرت أقوم الليل .. بس ليش؟؟؟
عشآن أدعي لأخويآي قبل كل شي
بعدين أدعي لنفسي..
بصرآحه من قربت من ربي بدت تزين حآلتي
بدت تضبط اورآقي..
بدت تضبط أحوآلي
خويي دآيم يسأل ويقول وش صآر عليك..
نصحني بكذآ شغله أسويهآ..
وبدآ ويآي مرحلة العلآج
وصآر يتآبع وش صآر علي..
يهآوشني ويزعل إذآ لقآني أجلت الحل والعلآج



من بعد مآرجعت لـربي لقيت اللي يوقف ويآي..
أوجده ربي بعد مآقربت منه..
وبقربي له هآنت كل مصآيبي..
وبديت أشوف الدنيآ من زآويه ثآنيه..
أصدق مع ربك بالتوبه..
إرجع لربك ..
وصدقني بتلقى كل النآس بجنبك..
زبدة الكلآم....
يآلغآلين .. كلكم تعرفوني .. والله لآني مطوع ولآ شي..
بس من وآقع تجربه حبيت أشآرككم بهآ .. حبيت أعلمكم قصتي فقط من أجل شي وآحد..
ألآ وهو .. تقربون من ربكم
إقربوآ من الله
وصدقوني كل هم بيفرج
وكل مآضآقت بتفرج
إن مع العسر يسرآ.. إن مع العسر يسرآ..
أنآ مجرب..
ضآقت وكل مآقربت من ربي تضيق زيآده وكنت متوقع إنهآ بتضيق لأني مؤمن بآيآت الله..إن مع العسر يسرآ..
والحمد لله فرج الله همي وغمي وضيقتي..
وتحمست من أجل تغيير مآكنت عليه إلى الأفضل
الحمد لله .. الصلاة في وقتهآ..
صرت أحآفظ على قيآم الليل..
وأحرص ع الدعآء بعد كل صلآه لأآخويآي أول ثم لي ..
أدعي للشخص اللي وقف معآي..
أدعي لخويي اللي ضآيقه به الدنيآ ولاتكلم وكآن بعيد عني..
أدعي لكم وآحد عزيز علي هنآ بالفورم
مآهمني نفسي ولادنيتي .. كثر مآتهموني إنتوآ..
أدعي لكم قبل أدعي لنفسي
---------------..
هذي نصيحة مجرب...
خلك مع ربك قريب.. وبتهوون كل كربه..
الحمد لك يآرب على مآأنعمت به علي من نعم لآ أحصيهآ..
والحمد لك على قضآئك وقدرك.. وعلى مآ كتبته لي من هم وغم قربني إليك..
.....
يآرب وفق كل من قرأ هذآ الكلام..
يآرب وفق كل أخويآي .. في الفورم وغيره..
يآرب إرزقهم كل خير وأبعد عنهم كل شر..
يآرب فرج همهم وغمهم وكربهم..
يآرب فرج همهم وغمهم وكربهم..
يآرب فرج همهم وغمهم وكربهم..
يآرب وفقهم لمآ فيه خير و صلآح..
يآرب وفقهم في دينهم ودنيآهم..
يآرب وفقهم ..
يآرب وفقهم ..
يآرب وفقهم ..
يآرب أشف مرضآهم ..
يآرب أشف مرضآهم ..
يآرب أشف مرضآهم ..
يآرب هون عليهم مصآئب الدنيآ ..
يآرب أرزقهم كل خير ..
يآرب أإرحهم..
يآرب أرحهم ..
يآرب أرحهم..
يآرب إرحمهم..
يآرب إرحمهم..
يآرب إرحمهم..
--------------------
::: كلمة شكر :::
أول شي أشكر ربي واحمده على كل شي
أشكر ربي واحمده على مآ أنزل به من هم وغم علي حتى قربني إليه ..
أشكر ربي وأحمده على مآانعم به علي من رآحه وهون علي ضيقتي..
أشكر ربي على وجودكم في حيآتي..
أشكر ربي على معرفتكم..
أشكر ربي على نعمه اللتي لاتعدى ولاتحصى..
ثآنيآ ..
شكرآ لصديقي وحبيبي وغلآي وكل أبو شي
شكرآ لك على وقوفك بجنبي وقت ضيقتي
شكرآ لك على الأيآم اللي قضينآهآ مع بعض وصدقني كآنت من أجمل أيآم حيآتي..
صحيح في نظرك بتقول مآسويت شي..بس عندي ترآك سويت كل شي..
شكرآ على كل شي يآ عزوز
فورزآ خبز البر اللي تقول مجآعه والجوتي المكسيكي اللي مدري وش يبي ..
شكرآ من كل قلبي على وجودك في حيآتي
لبى قلبك يآغلآهم
إنت الوحيد بعد ربي اللي وقف ويآي..
والبقيه معذورين لآنهم مآكآنوآ يدرون عن اللي فيني..
وأنآ أعذرهم..
أأعذروني على طول الكلام .. لكن شي في خآطري ونصيحه من وآقع تجربه..
الحمد لله بعد مآكتبت هالكلآم حسيت بجبل إنزآح عن صدري..
لأأني حسيت إن هذي أمآنه بغآني ربي أوصلهآ لكم عشآن تتعلمون وتعتبرون منهآ..
أتمنى تعذروني وتسآمحوني على أي خطأ أرتكبته في حقكم..
أعذروني وسآمحوني على كل شي أرتكبته وسبب لكم ضيقه او زعل مني..
أنآ أسف لكل شخص أسأت إليه عن قصد أو غير قصد..
أنآ آسف لكل شخص أغتبته أو طعنت فيه عن قصد أو غير قصد..
أنآ آسف لكل شخص جرحته أو كنت سبب في ضيقته او زعله..
وأنآ مسآمحكم ومسآمح كل شخص أسآء لي عن قصد او غير قصد..
أسآمح كل شخص إغتآبني أو سبب لي أي ضيقه أو مشكله..
أسآمح كل من أخطأ في حقي..
الدنيآ زآئله .. والوآحد مآيبي إلآ الذكر الطيب والدعآء...
ولآتنسون.. إرجعوآ إلى ربكم .. وأبقوآ قريبين منه ..

والسلام عليكم ورحمة الله وبركآته..
أخوكم ومحبكم

"
NKD 753

نسأل الله العظيم رب العرش الكريم ان يغفر لك ذنبك يـ صلاح الغامدي

ويرحمك في واسع رحمته
 

Dark.Star

.:: Legends DeveloPer ::.
إنضم
17 أغسطس 2010
المشاركات
15,897
الإعجابات
11,277
النقاط
143
الإقامة
الجزائر
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

نسأل الله العظيم رب العرش الكريم ان يغفر لك ذنبك يـ صلاح الغامدي

ويرحمك في واسع رحمته


أمين يارب العالمين
 

HAWAZEN

ExpErt DeveloPer
إنضم
19 أغسطس 2007
المشاركات
8,402
الإعجابات
267
النقاط
0
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

الحمدالله انه عرف الطريق الصحيحُ قبل موتهٌ الله يغفر له كل ذنوبهُ :9:

مآنقدر نقولُ الا الله يرحمهُ :9:

نسأل الله العظيم رب العرش الكريم ان يغفر لك ذنبك يـ صلاح الغامدي

ويرحمك في واسع رحمته



اللهم آمينُ :9:
 
إنضم
18 أغسطس 2010
المشاركات
586
الإعجابات
140
النقاط
0
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

إنا لله وإنا اليه رآجعون

رحمت الله عليه

الله يغفر ويرحم
 
إنضم
4 فبراير 2010
المشاركات
3,132
الإعجابات
359
النقاط
0
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

الله يرحمه ويجعل مثوآهـ الجنه خآتمه حلوهـ قضآه ..

يعطيك العآفيه ..:32:
 

iFreeDoM

.:: Legends DeveloPer ::.
إنضم
23 سبتمبر 2008
المشاركات
11,871
الإعجابات
4,775
النقاط
0
الإقامة
Saudi Arabia
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

:9:

رحمـة اللهَ وإسكنه فسيح جنـاًته

اللهم اغفر له ماتقـدم ومـآتآخر من ذنبهَ وثـبته عند السؤال

اللهم الهم اهله وذويه الصبر والسلوانَ ، واخلفهم في مصيبتهم خيراً منهاً

الشيء الي يريحناً إنه تـآب الحمد للهَ

الله لآيهينــك * سـراًب
 
إنضم
24 أكتوبر 2009
المشاركات
1,351
الإعجابات
112
النقاط
0
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

أي والله الآن ماراح ينفعه الا عمله الصالح فقط
الله يرحمه .. ويسنكه الـ جنه
 
إنضم
31 أكتوبر 2009
المشاركات
1,762
الإعجابات
211
النقاط
0
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]


قال ابن القيم رحمه الله: من كتاب " تهذيب مدارج السالكين " إن في القلب شعث لا يلمه إلا الإقبال على الله، و عليه وحشة لا يزيلها إلا الإنس به في خلوته، و فيه حزن لا يذهبه إلا السرور بمعرفته و صدق معاملته، و فيه قلق لا يسكنه إلا الاجتماع عليه و الفرار منه إليه، و فيه نيران حسرات لا يطفئها إلا الرضا بأمره و نهيه و قضائه و معانقة الصبر على ذلك إلى وقت لقائه،و فيه طلب شديد لا يقف دون أن يكون هو وحده مطلوبه، و فيه فاقة لا يسدها إلا محبته و دوام ذكره و الإخلاص له، ولو أعطي الدنيا و ما فيها لم تسد تلك الفاقة أبدا.


الله يرحمه الله يرحمه
 
إنضم
15 أغسطس 2010
المشاركات
1,653
الإعجابات
194
النقاط
63
الإقامة
OMAN
رد: الله يرحمك ياصلاح الغامدي [ قصه للعضه والعبره لمشجع هلالي مات يوم الاحد الله يرحمه ]

سبحان الله كل شخص يحس بقرب نهايته ووداعه من الدنيا
الله يرحمه ويغفرله ويدخله جنات النعيم
اللهم أمين
 

الأعضاء النشطين حاليآ الذين يشاهدون هذا الموضوع (1 عضو و 0 ضيف)

خيارات الاستايل

نوع الخط
مودك
اخفاء السايدر بار OFF
توسيط المنتدى OFF
فصل الأقسام OFF
الأقسام الفرعية OFF
عرض المشاركات
حجم الخط
معلومات العضو OFF
إخفاء التوقيع OFF

إرجاع خيارات الإستايل