آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

تم تحميل الصفحة في 1,8651655 ثانية
آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]
إنضم
29 أبريل 2007
المشاركات
1,850
الإعجابات
30
النقاط
0
بسم الله الرحمن الرحيم

الموضوع اليوم فاقع مرارة آبو آبوووي من زمان
وصبرت وصبرت وقلت يمكن تزين الامور لكن ماش كل مالها تتدهور شوي شوي وانا الحين بصدد أنفجرّ بهالموضوع


السوووووق وما أدراك مالسوووق

<<< وجة حرمة ناقزّتن بوجهي ومفجوعة وش فية وش فية <<< مافية شئ يا منيب قايل
لا تخافين الدولة مهب ملغين الأسواق إنبسطي بس


والله إني تجيني أيام وأتسائل
هل السوق شعيرة
أقصد شعيرة دينية ترى

يعني هل أنتي يالبنت إذا مارحتي للسوق كل شوي عليك كفاّرة لا سمح الله !!

من جد قسم بالله ماصارت عيشة ذي !!!!

الاهل كل شوي مدرعمين فيني للسوق طيب أوكية شرينا وخلصنا ورجعنا !! بعد يومين مطاول نبي نروح للسوق !! انا .. السوق !! تسع علامات تعجبّ فوق رأسي يتدودلّن !! لية توّنا جايين قبل امس من السوق وش عندكم ؟ لااا .. بس بنبدّل اللّي حنّا شريناه قبل أمس
باللاّهي !!


تبون تبّدلون آهااااا <<< وجه واحدّن لاوينّ زقمة والنفسيّة أتش


طيب يالله اركبوا ودرعمنا كلّبونا للسوق عشان نبدّل ساعة ساعتين ثلاث ساعات بدلوا ورجعنا

بعد مرور اربع ايام

قاعداناظرمباراة ولا لي من الشيطان طارئ !! شوي دخلت أختي مطاول انا نعممم مطاول بقول لك شئ بس لا تزعل هماااه <<<< لاحظوا حاّسة بالغلط !! لا عادي مانيب زعلان وش فية ؟ عاد هي راحت وقفت عن الباب عشان تجدع الكلمتين وتنحاش
يوم وصلت الباب

قالت مطاووووووووول بنروح السوق نررررّررررررررررجع
<<<<< وهجتّ


أنا من هول ماسمعت جتني أم الرّكب
يعني ماني مستوعب الموقف !! كأن واحد كاّب على ماء بارد وأنا بعزّ نومي
وقعدت اردد كلامها السوق !! السوق !! نرجعّ !! نرّجع
آهاااا الحين استوعبت !!


المهم يوم استوعبت السالفة واروح أسوّي لاهلي إجتماع مغلق ومعهم امي

وعطيتهم محاضرة طويلة عريضة وتوّعدتهم ياأنا يالسوق
والله تسنّ وحدة من خواتي أسمعها تتمتم لاوالله السوق ..انت وش نبيبك



نداء للجميع

التسوّق ياجماعة أنتم يابنات هو إنك تشتري اغراضك مرة وحدة مهب سردادي مردادي كل يومين مهابد لهالسوق يمّا بتشترون وإلاّ بترّجعون وإلاّ بتبدّلون!!

في أوربا وأمريكا مافية شئ أسمة تسوّق زي الفوضى حقتنا ذي لاااا معليش .

في لندن مثلا السوق يفتح الساعة 6 الصباح ويقفل الساعة 6 المغرب بعدها كل واحد ووحدة قاضبنّ أرضة ببيتة

عندنا لاآآآآآآآآآ السوق مايصكّ إلاّ الساعةوحدة بالليل

عندنا جيران الله يذكرهم بالخير لو يعطونهم السوق مجال ينامون عندهم كان ماعندهم مانع


جيراننا ذولا لا بغوا يروحون للسوق يركبون كلهم 11 نفر ونفرة بشغالتهم وبزارينهم وزمزمياتهم
<<< لا حظوا رايحين للسوق
ومتى يركبون السيارة؟ من يقول الله وأكبر العصر وهم ناشبين بالفان ودرعم فيهم السواق للسوق


العجز الكبار اللّي مالهنّ بالسوق والخلاقين فلّوا بساطهم بجنب الرصيف اللي عند السوق ونزلّوا زمزمياتهم وكراثهم وفصفصهم
وعلفجة بهالكراث والفصفص وحشّ بالبشرية لين يقطعوّن ظهورهم تقطيع صح


والبنات ينزلن للسوق خمس بنات لو تفتشّ شناطهنّ كلّهن ماتلقى إلاّ 150 ريال
وسردحة بهالسوق وتطنزّ بالرايح والجاي والمشكلة مايشترون !!


نجي عاد لإحباب الله البزارين 6 بزارين والشغالة ماغير ملاحق لهم بهالسوق من متسان لمتسان الله يعظمّ أجره هالمسيكينة
لااا ويبون الشغالات مايهجنّ بعد
قسم بالله لو أنا شغالة عند بعض هالبزارين كان قسم بالله مايرّدني إلاّ دول الجوار
وربي لو أطلع البحرين سباحة
يارجل عندنا بزارين من كثر نجاستهم وقلقهم يطلّعون لك رأس ثاني غير رأسك وفوق هالرأسين أربع نخل ثنتين برحي وثنتين نبوت سيف


وتعال شف البزارين عاد مابزينّا بهم ببيوتنا نبزّ فيهم بسوق
ياااااااوك تلقى البزر جاي للسوق ووينةعند نفسة ماغير مهاوش مع عيال الناس يازعط ترى عندنا فان مايدري إن كلّ الفلوس اللي معهم 150 ريال ومهب مأذن المغرب إلاّ البنات لاعباتنّ بالفلوس تكوندو ((إشي دونات وإشي كبتشينو وإيشي كودو ))


المهم وإذا طيحوّا العجز اللّي برؤسهم من الحشّ وقضوا على الكراث والفصفص ضفضفوا عفشهم الساعة وحدة بعد منتصف الليل وجوك مدحدرين للبيت
عاد أنا أشوفهم لا رجعوا وأدري إنهم كانوا بالسوق من بزارينهم تلقى كل بزر معه همبرجر وبطاطس كبير

لا حظوا متى راحوا للسوق ومتى رجعوا بس
محللّين أووّم السوق تحليل صح









نصايح لمن أراد التسوّق




1- إذا دخلتي محل بالسوق أنتي وخواتك وأعجبك شئ لا تمسكينة وتجمعوّن علية أنتي وخواتس وتقولون الله يهبّل وش زينة يازينة زينااااااااه
!! لإن البائع لا شافك منهبلة كذا وطايرّتن بوهتس بالقطعة بيمسطك بالسعر مسطة بنت ستة وستين كلب يعني مثلا القطعة ب 600 ريال لا شافك منهبلة على القطعة بيقول ب 900
قلعتس خلّي طفاقتس تنفعتس


2- ليس بالضرورة القطعة او السلعة الغالية هي الزينة !! يمكن تلقين قطعة سعرها وسط ومعقول أحسن بكثير من القطعة الغالية هذيك
وللإسف هالفكرة معشعشة برؤس كثيرمن البنات وبضرب لكم مثال من واقع الحياة ..

تحكي لي وحدة من خواتي تقول مرة دخلت محل بالسوق ولقيت بنتين ومعهم أمهم بمحل جزم الله يكرمكم وماسكين جزمة الله يكرمكم وقاعدين يقلّبونها وش زينة تهبلّ
ورايحين وطي مع الجزمة
جاء لهم البائع وسألووه بكم هالجزمة ؟ قال اللبناني بالف وميتين ريال !! يوم قال اللبناني بالف وميتين تسنّ البنت اللي كانت ماسكة الجزمة تعرفط وجهها وضاق صدرها والله وتمسك بالجزمة وترميها بشينة نفس
قالت لها أمها وش فيك منتب شاريتها ؟ قالت وهي ماّده بوزها شبرين لاااا وع رخيصة
<<< مشكلة اللّي عنده فلوس واجد ولا يدري وين يوّديها

فأقول لكم شوفوا والله لو اللبناني قايل لها سعرها 2500 ريال كان أخذتها وهي تضحك !! تدرون لية ؟ عشان لا راحت لزميلاتها وقالوا لها بكم الجزمة يافلانة شريتيها تقول لهم وهي مرفوعة الهامة ومنتشية ب 2500 ريال عشان زميلاتها وقتها يكبكبون عليها من الإعجاب والمدح وتسذا !!!

3 - إذا نويتي تروحين للسوق ومافيك حيلة خلاص ركبتك الجنية ورايحة رايحة الله لا يعوق بشرّ يفضلّ ياسيدتي إن تذهبي للسوق في غير ايام الذروة والمناسبات والاعياد والصيفية << وش بقى من ايام السنة
لا جدّ يعني بعض التجار جشع لإبعد حدّ ويستغل هالمناسبات ألعن إستغلال وخاصتن وهو يعرف حاجة المستهلك للسلعة في هذا الوقت بالذات


4 - إذا صكتّ فية بقعاء ونويتي تروحين للسوق مافية مجال رايحة رايحة لو على جستّي على مايقولون <<< ماتلاحظون ياكثر ماتصكّ البنت بقعاء وبتروح للسوق لو بالقوة

اقول لتس إذا بغيتي تروحين للسوق مافية داعي تآخذين معك 17 نفر ونفرة
حشى رايحين مضاربة مهب سوق
يعني يفضّل ياسيدتي تروحين لحالك بس أو يروح معك واحد من اخوانك أو خواتك مافية داعي تهجولون 17 نفر بالسوق كل اليوم وآخرتها ترجعون تالي الليل ماشريتوا إلاّ هبرقر وبطاطس كبير وبلوزة كاروهات وإحتمال ماتصير مقاسكم بعد وتبدّلونها من بكرا


5 - هذي النقطة مهمة ترى ركزّوا معي شوي كثير من الاسر لا بغت تشتري قطعة بلوزة او تنورة او اي شئ تلقاهم تقل ملحوقين ويلقطون القطعة بطفاقة وإستعجال وخم بطّ وماتدري إلاّ هم عند الكاشير يحاسبون وهذا اللي يخلّي سالفة اببدّل وأبرّجع ونرجع لسالفة سردادي مردادي للسوق وبقية المعاناة


فينبغي عليك ياسيدتي إذا أردتي تشترين بلوزة مثلا تأخذين معك مقاس لك عشان تأخذين القطعة وانتي ضامنة 100%100 إنها قدّك والمقاس مضبوط وكل شئ تمام هذا شئ الشئ الثاني إذا أعجبتك قطعة بلوزة مثلا إقعدي قلّبيها يمين ويسار وشوفي صناعتها وشّي وجودة قماشها بعض القطع تلقينها غالية على غير سنع غسلتين وأثرها كامشة تقل شرّابة

6 - على جميع الاهالي وخاصة البنات القلق !! يراعون ظروف إخوانهم مهب كل شوي ناشبين لخوهم السوق والسوق تقل شغلتة بس رح للسوق ياولد وتعال من السوق ياولد

7 - أتسأئل دائما متى نصير ناس متطوّرة وكيوت وفاهمة ونترك الفوضى خاصتنّ بشغلة التسوّق ذي يعني متى يبدؤن ربعنا وربعاتنا يتسوّقون عن طريق الإنترنت وبلاش مشاوير وقلق رأس

8 - نقطة مهمة ويغفلها الكثيرمن الاسر ألا وهي السوّاق ترى السوّاق مجيوب للحاجات الضرورية مهب كل ماطقّ عصا بعصا هبدتي غرفة السوّاق!! تسمعون بتحليل الراتب أنتم الظاهر
ترى السواق بشر مثلة مثلنا يتعب ويتنرفز ويتنفسّ ويجوع











ههههههههههههههههههههههههههههههههههههههههه


< لآتموت علينآ بسس :26:


منقـــوٍوٍوٍل آب عن جــــد [ :15: ]


سئ يـوٍوٍوٍ
 
إنضم
25 أغسطس 2007
المشاركات
7,057
الإعجابات
291
النقاط
0
رد: آيتهــآ آلــمرأه وش قصـة آهـل آهلـك مـ ع ــآن .. ! < مآشفت شئ بـعد [ سوآلف ]

هههههههههههههههههههههههههههههههههههههه


شكلك تعاني هههه :15:


والله ياخوك السوق هذا قلق وغثى وهمّ اذا جيت اروح له

لو توقف على الاسباب هذي تهون يارجال ,, بس الحين السوق كله قله حياء ,, كأنه مالهم اهل يخافون عليهم

الله يعين بس
 
إنضم
29 أبريل 2007
المشاركات
1,850
الإعجابات
30
النقاط
0
رد: آيتهــآ آلــمرأه وش قصـة آهـل آهلـك مـ ع ــآن .. ! < مآشفت شئ بـعد [ سوآلف ]

حيآك الله xax ههههههههههههههههه


شنسوي يوم لك وعشره عليك < وشدخل هذي بهذي :26:
 
إنضم
8 فبراير 2008
المشاركات
216
الإعجابات
5
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

آآآه يالسووق :30:


والله قروشه وغثى


وانا كذاا منغث من السوق

ماقول غير الله يعين السواقييـــــن :33:
 
إنضم
21 يناير 2009
المشاركات
3,459
الإعجابات
148
النقاط
0
العمر
30
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

تسلم على هذه النصايح:8:
 
إنضم
9 مايو 2007
المشاركات
8,223
الإعجابات
383
النقاط
83
العمر
38
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

إلي فآقع مرآرة أبو آبوي شي وآحد بسسسسس :15:


ياخي احنا الشباب ريآضيين ونلعب كورة و و و والحريم في البيت ..


إذا رحنا للسوق مآتلآحظون وربي نتعب وهم ولا شي :15:
 
إنضم
2 يوليو 2008
المشاركات
3,199
الإعجابات
107
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

والله إني تجيني أيام وأتسائل هل السوق شعيرة أقصد شعيرة دينية ترى
يعني هل أنتي يالبنت إذا مارحتي للسوق كل شوي عليك كفاّرة لا سمح الله !!
لا بس لازم نشوف الجديد :33:


التسوّق ياجماعة أنتم يابنات هو إنك تشتري اغراضك مرة وحدة مهب سردادي مردادي كل يومين مهابد لهالسوق يمّا بتشترون وإلاّ بترّجعون وإلاّ بتبدّلون!!
مره وحده :2:

ياحليلك مره وحده ماتكفي على بالك البنات مثل الشباب يلبسو ثوب وخلاص
عندنا جيران الله يذكرهم بالخير لو يعطونهم السوق مجال ينامون عندهم كان ماعندهم مانع
ههههههههههههههههههههههههههههههههههههههههههههههههههههههههههههههههه

إذا دخلتي محل بالسوق أنتي وخواتك وأعجبك شئ لا تمسكينة وتجمعوّن علية أنتي وخواتس وتقولون الله يهبّل وش زينة يازينة زينااااااااه !! لإن البائع لا شافك منهبلة كذا وطايرّتن بوهتس بالقطعة بيمسطك بالسعر مسطة بنت ستة وستين كلب يعني مثلا القطعة ب 600 ريال لا شافك منهبلة على القطعة بيقول ب 900 قلعتس خلّي طفاقتس تنفعتس
والله اني اعرف هذي النصيحه قبل تقولها << طيب وش يسويلك؟؟
ليس بالضرورة القطعة او السلعة الغالية هي الزينة !!
الغالي يعيش والرخيص يموت هذا قانوني :28:
اقول لتس إذا بغيتي تروحين للسوق مافية داعي تآخذين معك 17 نفر ونفرة
انا احب اروح اتسوق لحالي << :29:
على جميع الاهالي وخاصة البنات القلق !! يراعون ظروف إخوانهم مهب كل شوي ناشبين لخوهم السوق والسوق تقل شغلتة بس رح للسوق ياولد وتعال من السوق ياولد
اجل وش فايدته :24:

محد قاله يصير اخوي


مشكوووووووووووووووور عـ الموضوع
 
إنضم
18 مارس 2009
المشاركات
672
الإعجابات
52
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

طيب بالله البنات مايلبسون ثياب وبس يعني كل الالوان والاشكال

يعني لازم تغير وتبدل :3:


فينبغي عليك ياسيدتي إذا أردتي تشترين بلوزة مثلا تأخذين معك مقاس لك عشان تأخذين القطعة وانتي ضامنة 100%100 إنها قدّك والمقاس مضبوط وكل شئ تمام هذا شئ الشئ الثاني إذا أعجبتك قطعة بلوزة مثلا إقعدي قلّبيها يمين ويسار وشوفي صناعتها وشّي وجودة قماشها بعض القطع تلقينها غالية على غير سنع غسلتين وأثرها كامشة تقل شرّابة

مارجع الملابس عشان المقاس بس يمكن تطلع علي حلوه و على اختي مي حلوه :26:
و مافي فكه من السوق الا اذا سمحوا للمراه بقيادة السياره :19:

ولا يتحملوني اخواني الله لايهينهم يعني يبغوني اركب تكاسي :15::15:
 
إنضم
29 أبريل 2007
المشاركات
1,850
الإعجابات
30
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

آآآه يالسووق :30:


والله قروشه وغثى


وانا كذاا منغث من السوق

ماقول غير الله يعين السواقييـــــن :33:


فلهآ وربك يحلهآ خخخخخخخخخ :13:
 
إنضم
29 أبريل 2007
المشاركات
1,850
الإعجابات
30
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

إلي فآقع مرآرة أبو آبوي شي وآحد بسسسسس :15:


ياخي احنا الشباب ريآضيين ونلعب كورة و و و والحريم في البيت ..


إذا رحنا للسوق مآتلآحظون وربي نتعب وهم ولا شي :15:



آبو شآدن منور يآقلبي
 
إنضم
29 أبريل 2007
المشاركات
1,850
الإعجابات
30
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

لا بس لازم نشوف الجديد :33:



مره وحده :2:

ياحليلك مره وحده ماتكفي على بالك البنات مثل الشباب يلبسو ثوب وخلاص

ههههههههههههههههههههههههههههههههههههههههههههههههههههههههههههههههه


والله اني اعرف هذي النصيحه قبل تقولها << طيب وش يسويلك؟؟

الغالي يعيش والرخيص يموت هذا قانوني :28:

انا احب اروح اتسوق لحالي << :29:


اجل وش فايدته :24:

محد قاله يصير اخوي



مشكوووووووووووووووور عـ الموضوع




اعجبتني مشآركتج آلحلـــوٍه وكلآمج آلآحلى هههههههه


نورٍتي يآغلاي
 
إنضم
29 أبريل 2007
المشاركات
1,850
الإعجابات
30
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

طيب بالله البنات مايلبسون ثياب وبس يعني كل الالوان والاشكال

يعني لازم تغير وتبدل :3:



مارجع الملابس عشان المقاس بس يمكن تطلع علي حلوه و على اختي مي حلوه :26:
و مافي فكه من السوق الا اذا سمحوا للمراه بقيادة السياره :19:

ولا يتحملوني اخواني الله لايهينهم يعني يبغوني اركب تكاسي :15::15:



لولو .. لا نصيحه ابعدي عن التكآسي .. انا ولا مره ركبت تكسي .. ليموزين واقف بمواقف باب بيتنا دايما


هههههههههههههههههه
 
إنضم
11 أغسطس 2007
المشاركات
7,294
الإعجابات
665
النقاط
113
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

< ماطب السوق من 3 سنوات :15:

والله لو تجي جدتي براسها مانزلها هههههههههههههههههههههه:15:
 
إنضم
29 أبريل 2007
المشاركات
1,850
الإعجابات
30
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

احسسسن لك هههههههههههههههههه
 
إنضم
3 سبتمبر 2008
المشاركات
5,006
الإعجابات
625
النقاط
113
العمر
29
الإقامة
العرق
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

ههههههههههههههههههههههههههههههههههه
الحمد لله لايعجبني السوق ولا اطلع >> محبوسه بلبيت

:28:

تسلم كشخه دومك كشخه
 
إنضم
29 أبريل 2007
المشاركات
1,850
الإعجابات
30
النقاط
0
رد: آيتهــآ آلــمرأه وش قصـة آهـل آهلـك معآنآ .. ! < مآشفت شئ بـعد [ سوآلف ]

ههههههههههههههههههههههههههههههههههه
الحمد لله لايعجبني السوق ولا اطلع >> محبوسه بلبيت

:28:

تسلم كشخه دومك كشخه


مشكورٍه ع مروٍرٍج آلحلوٍ .. بنت آلدليم .. نورٍتي موضوعي يآلغلآ .. حيآج الله :)
 

الأعضاء النشطين حاليآ الذين يشاهدون هذا الموضوع (1 عضو و 0 ضيف)

خيارات الاستايل

نوع الخط
مودك
اخفاء السايدر بار OFF
توسيط المنتدى OFF
فصل الأقسام OFF
الأقسام الفرعية OFF
عرض المشاركات
حجم الخط
معلومات العضو OFF
إخفاء التوقيع OFF

إرجاع خيارات الإستايل