[ شرح ] : ضاعف زوار موقعك باستخدام أداة Ubersuggest المجانية

تم تحميل الصفحة في 0,7981715 ثانية
ضاعف زوار موقعك باستخدام أداة Ubersuggest المجانية

M.Elghdban

Beginner Developer
rank
إنضم
13 مارس 2019
المشاركات
3
الإعجابات
0
النقاط
1
العمر
26
الإقامة
مصر
هتكلم النهاردة عن الأداة الخاصة بنيل باتيل وهي أداة Ubersuggest الحقيقة من الأدوات الكويسة اللي تقدر تعتمد عليها في تحليل وتحسين موقعك وهنتعرف على أحد مثال عملي للأداة دلوقتي.

أول حاجة هتدخل لرابط الأداة من هنا بعد كدة هتكتب دومين الموقع وممكن تحدد البلد عادي وتضغط Search.

بعد كدة هتضغط على أداة Keywords اللي عليها السهم في الصورة ولما تضغط عليها هيظهر لك أهم الكلمات المفتاحية الخاصة بموقعك، وهتلاقي التصنيف من الشمال لليمين كالتالي:

الكلمة المفتاحية - معدل البحث - ترتيبك في الكلمة - عدد الزيارات اللي بتحصل عليها - رابط الموضوع - صعوبة الكلمة



اللي يهمنا هي خانة Position طبعا مش هتلاقي وحايد كتير زي الموقع اللي في الصورة 😂 ولكن هتلاقي إن عندك نتائج مثلا 4 - 5 - 7 وهكذا النتايج دي هي اللي هتشتغل عليها.

هتعمل ملف نصي بالكلمات اللي في المراكز متأخرة من 3 وانت نازل وتبدأ تنسخ الكلمة وترتيبها ورابط الموضوع ومعدل البحث لحد ما تعمل قايمة بأهم الكلمات دي.

- بعد كدة هتبدأ تمسك الكلمات دي كلمة كلمة، هتحلل المواقع المتصدرة عليك وتشوف هما زيادة عنك في إيه، حجم محتوى، صور، فيديو، باك لينك وخلافه وتبدأ تشتغل على الموضوع بتاعك بحيث إنه يبقى أحسن من النتايج اللي قبلك في الحاجات دي.

- بعد ما تحدث الموضوع بتاعك ممكن تعمله جلب من جوجل لكن بانصح بلاش، كل اللي هتعمله إنك تحاول تجيب دايركت ترافيك بعد التحديث على قد ما تقدر يعني نشر على مواقع التواصل وإشعارت للناس اللي بتستخدم الخدمات دي وما إلى ذلك.
"كل ما حجم الترافيك بعد التحديث كان أكبر كل ما كانت ظهور نتيجة التحديث أسرع".


هتكرر نفس الموضوع على كل الكلمات اللي عندك في القايمة، وكل ما تحديثك للموضوع أفاد الزائر وأضاف جودة للموضوع "مش مجرد حشو وزيادة وخلاص" والترافيك المباشر كان كويس هتلاقي إن في خلال فترة قصيرة عدد زوارك بدأ في الزيادة بشكل كبير إن شاء الله.

* على فكرة نفس الطريقة ممكن تتعمل من Search Console ولكنكم تحبون الأجانب 😂
 

الأعضاء النشطين حاليآ الذين يشاهدون هذا الموضوع (1 عضو و 0 ضيف)

خيارات الاستايل

نوع الخط
مودك
اخفاء السايدر بار OFF
توسيط المنتدى OFF
فصل الأقسام OFF
الأقسام الفرعية OFF
عرض المشاركات
حجم الخط
معلومات العضو OFF
إخفاء التوقيع OFF

إرجاع خيارات الإستايل